लडेर गम्भीर घाइते हुनुभएकी लक्ष्मी तामाङको निःशुल्क उपचार भएको छ ।
आर्शु स्मृति प्रतिष्ठानको पहलमा धुलिखेल अस्पतालमा निःशुल्क उपचार भएको हो ।
माघ १० गते घाँस काट्न जाने क्रममा भीरबाट लडेर उनको खुट्टा भाँचीएको थियो । शारीरिक रुपमा अशक्त तामाङ बोल्न र सुन्न सक्दिनन् । परिवारका एक मात्रै सदस्य लक्ष्मीको दाई पनि अपांग छन् ।
कमजोर आर्थिक अवस्थाका कारण उपचार नै असम्भव भएपछि आर्शु स्मृति प्रतिष्ठानले सहयोगी हात अघि बढाएको हो ।
सहयोगका लागि प्रतिष्ठानलाई भुम्लु गाउँपालिका वडा नं. ९ ले आग्रह गरेको थियो ।
वडाको सिफारिस र धुलिखेल अस्पताल र प्रतिष्ठानबीचाके लिखित सहमति अनुसार तामाङको निःशुल्क उपचार भएको हो । पहिलो शल्यक्रिया सफल भएसँगै उनी आज अस्पतालबाट डिस्चार्ज भएकी छन् ।
source:- www.madanibeat.com